Жасур Жалолиддинов тўп сураётган "Тамбов" клуби қишда РПЛни тарк этиши мумкин!

Россия чемпионати дебютанти "Тамбов" клуби молиявий қийинчиликлар сабаб, Россия чемпионатини қишдаёқ тарк этиши мумкин.

"Тамбов"да ҳуқуқий жиҳатдан Москванинг "Локомотив"ига тегишли бўлган ҳамюртимиз Жасур Жалолиддинов бор. Бироқ мавсум бошида ижарага олинган ярим ҳимоячи тамбовликлар сафида дебют қилгани йўқ.

"Тамбов" декабрь ойидаги барча ўйинларни ўтказади, аммо Тамбов райони клуб олдидаги мажбуриятларини бажармаганлиги сабаб, қишда РПЛни тарк этиши мумкин. Тушунарсиз ҳолат, чунки раҳбарият муаммоларга эътибор қаратмаяпти", - дея айтиб ўтган вазиятга яқиндан таниш бўлган манба.

"Тамбов" раҳбарияти клуби футболчилар олдида қарздорлиги туфайли турнир ташкилотчилари томонидан санкцияга дуч келиши мумкин. "Спартак"га қарши бўлиб ўтган баҳс олдидан бир қанча футболчилар бойкот эълон қилди.

Клуб спорт ишлари бўйича директори Павел Худяков ўйин олидан клубдаги молиявий ҳолат ўта ёмонлигини таъкидлаб ўтди.

Россия Премьер-лигаси 17-туридан сўнг "Тамбов" турнир жадвалида 12 очко тўплаб, 14 ўринни эгаллаб турибди.