Жасур Яхшибоев "Легия" сафида дебют қилди!

Бугун Польша чемпионатининг 28-турида Жасур Яхшибоев ҳаракат қиладиган “Легия” клуби ўз майдонида “Висла Краков”ни қабул қилди.

Афсуски, чемпионат пешқадами ҳисобланган “Легия” ушбу ўйинда 0:0 ҳисобида нурсиз дуранг қайд этди. Биз учун аҳамиятлиси, Жасур Яхшибоев “Легия” сафида дебют учрашувини ўтказди. Ўзбекистонлик футболчи 79-дақиқада Рафаэль Лопеш ўрнига захирадан майдонга тушди.

Эслатиб ўтамиз, Жасур “Легия” сафига 2020 йил Солигорскнинг “Шахтёр” клубидан кўчиб ўтган эди.

“Легия” айни дамда Польша чемпионатида 28 турдан сўнг, 60 очко билан пешқадамлик қилмоқда.

Фикрлар

Саралаш
Фикр қолдириш учун авторизациядан ўтинг!
&
Турсун Ғани
01/05/2021 21:37
Асли зўр фцтболчи Жасур секин аста Европанинг марказига кучли 5 ликка яқинлашиб кетмоқда. » Беларус, Полша, Германия, Италия, Испания...Англя сари олға бос Жасур .
Жавоб ёзиш