ЖЧ-2022. АҚШ бош мураббийи: "Жамоадан фахрланаман. Аммо натижадан бироз хафа бўлдим"

Жаҳон чемпионати нимчорак финал илк ўйинидан ўрин олган Нидерландия - АҚШ баҳсида европаликлар 3:1 ҳисобида зафар қучди.

Беллашувдан кейин ташкил этилган матбуот анжуманида америкаликлар бош мураббийи Грегг Берхалтер иштирок этди.

"Авваламбор, Нидерландия термасини кейинги босқичга чиққани билан табриклаймиз. Бу таркиб, ажойиб йигитлар, яхши муҳит билан қисқа вақт ичида шундай натижага эришдик. Аммо бугун омад етишмади. Биз ҳаракат қилдик, ғалаба учун тер тўкдик. Афсуски, якунда мағлубиятга учрадик.

Бу таркиб ҳақида ўйлаганингизда, уларнинг уч ярим йил ичида шу даражага чиққанини кўриш ёқимли эканини ҳис қиласиз. Жамоадан фахрланаман. Аммо натижадан бироз хафа бўлдим, албатта", - деди мураббий.