ЖЧ-2022. Аргентина - Мексика учрашуви ўзига хос рекордга сабаб бўлди

Жаҳон чемпионати 2-туридан ўрин олган Аргентина - Мексика учрашуви (2:0) ўзига хос рекорд ўрнатди. Гап трансляциялар ҳақида кетмоқда.

Баҳс АҚШда испан тилидаги телевидениелар - "Telemundo" ва "Peacock" трансляция хизматларида жами 8,9 миллион инсон томонидан томоша қилинди. Шу тариқа, мазкур беллашув мундиаллар гуруҳ босқичининг энг кўп томошабинлик учрашувига айланди.

Аввалги рекорд 5,7 миллионлик натижа билан 24 ноябрь куни бўлиб ўтган Бразилия - Сербия тўқнашувига (2:0) тегишли эди. 

Мексика мамлакатида Аргентинага қарши баҳс телевидение тарихида энг кўп киши томоша қилган воқеликка айланди, 40,5 миллион. Учрашувни "Televisa-TUDN" каналида 21,1, "Azteca TV" каналида 19,4 миллион одам томоша қилди.

Фикрлар

Фикр қолдириш учун авторизациядан ўтинг!