ЖЧ-2022. Месси Нидерландия билан ўйин ҳақида: "Жуда қийин бўлади"
Аргентина терма жамоаси сардори Лионель Месси чорак финалда Нидерландияга қарши кечадиган баҳс борасида ўз фикрларини билдирди.
"Жуда қийин бўлади, шак-шубҳасиз. Бизни оғир тўқнашув кутмоқда.
Рақиб тўпга кўпроқ эгалик қилишга ҳаракат қилади. Буни тахмин қилиш қийин эмас. Жаҳон чемпионатининг ушбу босқичидаги ҳар бир баҳс осон ўтмаслиги аниқ", - деди футболчи.
Эслатиб ўтамиз, чорак финал доирасида Аргентина Нидерландияга қарши 10 декабрь куни майдонга тушади.
Comments