ЖЧ-2022. Сантуш: "Роналду аввал бундай эмасди"

Португалия миллий терма жамоаси бош мураббийи Фернанду Сантуш Криштиану Роналдунинг етакчилиги ҳақида фикр билдирди.

"Мен майдонда шериклари билан яхши мулоқот қиладиган футболчиларга мураббийлик қилганман. Бундайлар ҳар бир жамоада бор. "Бенфика", "Спортинг", "Порту" ва Греция миллий терма жамоасида ҳақиқий етакчиларни бошқарганман.

Барча ўйинчилар ҳам бундай қила олмайди. Мен Криштианунинг ёш йигитлигидан биламан, аввал у бундай эмасди. Кийиниш хонасида Педро Барбоса, Пауло Бенто ва бошқалар етакчилик қиларди.

Аммо вақт ўтиши билан Роналдуда бу каби фазилатлар пайдо бўла бошлади. Энг муҳими, жамоа шу билан кучлироқ",-деди Сантуш.