JCh-2022. Yaponiya MTJ ustozi Germaniya ustidan qozonilgan g‘alaba haqida nimalar dedi?

Jahon chempionati ilk turi doirasidagi Germaniya - Yaponiya uchrashuvidan (1:2) keyin osiyoliklar bosh murabbiyi Xadzime Moriyasu jamoasining sensatsion g‘alabasi haqida fikr bildirdi.

"Menimcha, bu eng kamida tarixiy g‘alaba va unutilmas lahza bo‘ldi. Yaponiya futboliga kelsak, biz tezkorlik bilan rivojlanyapmiz, futbolchilarimiz legionerga aylanmoqda.

Biz xorij chempionatlari o‘yinchilarimizning o‘sishiga turtki bo‘layotganiga ishonamiz va shuning uchun ulardan minnatdormiz. Raqib kim bo‘lishidan qat’i nazar, biz g‘alaba uchun maydonga tushamiz".

Endi kun chiqar yurt vakillari navbatdagi bellashuvni Kosta-Rikaga qarshi o‘tkazadi.