"ЖЧ–2026": энг ёш ва энг кекса футболчилардан иборат рамзий жамоалар маълум бўлди

"365Scores" нашри 2026 йилги жаҳон чемпионати иштирокчилари орасидан энг ёш ва энг кекса футболчилардан иборат рамзий жамоаларни тузди.

Энг ёшлар жамоасидан Ўзбекистон миллий терма жамоаси ҳимоячиси Беҳруз Каримов ҳам ўрин олди. У турнирда қатнашадиган футболчилар орасидаги энг ёш иқтидорлардан бири сифатида қайд этилди.

Шунингдек, рамзий таркибга Марокаш ва Босния ва Герцеговина вакиллари ҳам киритилган. Жамоада Сенегал, Чехия, Мексика, Миср, Хорватия, Австралия ва бошқа мамлакатлар футболчилари ҳам бор.

Энг кекса футболчилардан тузилган рамзий жамоада эса футбол афсоналари жамланган. Унда Аргентина терма жамоаси етакчиси Лионель Месси, Португалия терма жамоаси сардори Криштиану Роналду, Хорватия ярим ҳимоячиси Лука Модрич ҳамда Босния ва Герцеговина ҳужумчиси Эдин Жеко каби машҳур футболчилар ўрин олган.

Шунингдек, Япония, АҚШ, Панама, Кабо-Верде, Шотландия ва Янги Зеландия терма жамоалари вакиллари ҳам энг кекса футболчилар рамзий таркибига киритилди.

Маълумот учун, 2026 йилги жаҳон чемпионати АҚШ, Канада ва Мексика мезбонлигида ўтказилади. Турнир тарихда илк бор 48 та терма жамоа иштирокида ташкил этилади.