"Женоа" "Челси" футболчисини сотиб олмоқчи

“Челси”нинг қанот ҳимоячиси Давиде Дзаппакоста фаолиятини Италия А Сериясида давом эттириши мумкин.

Calciomercato нашри тарқатган хабарга қараганда, 29 ёшли италиялик футболчининг хизматларига “Женоа” жиддий қизиқиш билдирмоқда. Унинг трансфери эса 5 миллион еврога баҳоланмоқда.

Дзаппакоста “аристократлар” сафида 2017 йилдан буён тўп тепиб келмоқда. Томонлар ўртасидаги келишув 2022 йилнинг ёзига қадар имзоланган.

Давиде ўтган мавсумни “Женоа” сафида ижарада ўтказган ва А Серияда 24 та ўйинда майдонга тушган эди. У ушбу учрашувларда ўз ҳисобига 4 та гол ҳамда 2 та голли узатма ёздириб қўйди.