“Женоа” мухлислари Шомуродовдан хет-трик талаб қиляпти!

Элдор Шомуродов  А Сериянинг 8-турида “Парма” дарвозасини ишғол қилиб, Италиядаги биринчи голини киритди. Бу ўзбекистонлик футболчиларнинг нафақат Италиядаги, балки Европанинг кучли бешлик чемпионатларидаги биринчи голи сифатида тарихда қолади.

Таъкидлаш жоизки, Элдорнинг ўйинида ижобий томонга ўзгариш бўляпти, кўрсаткичлар ҳам кўтарилмоқда. Бу ўз навбатида унга бўлаётган танқидларнинг камайиб, мухлисларнинг ишончи ортаётганига сабаб бўляпти.

eldor-shomurodov-zabil-pervyj-gol-v-serii-a_16067730701211223197_1

Элдор Шомуродовнинг илк голига “Женоа” мухлислари билдирган муносабатларни эътиборингизга ҳавола этамиз.

Antonino Sangiuseppe

“Женоа”нинг бунақа ўйини натижасида Шомуродов В Серияда ҳам биринчи голини урган ўзбекистонлик футболчига айланади.

Giulio Vespasiani

Ўзбек ҳужумчиси Италия кубогидаги ўйинда биринчи голли пасини берган эди. Энди А Серияда илк голини урди. У Италияни забт этган ўзбек футболчиси бўлди!

Carlo Girini

Яқиндагина Шомуродовнинг трансфери “Женоа”нинг энг катта хатосидек кўринганди. Энди мен унинг иқтидорига ишона бошладим. Агар у охирги учрашувларда кўрсатган ўйинини бундан кейин ҳам давом эттирса, унинг 9 миллион евролик трансфери клуб тарихидаги энг зўр харидга айланади.

Francesco Anzano

Биринчи бўлиб Илёс Зейтуллаев гол урмаганмиди?. У бутун фаолиятини Италияда ўтказган-ку. “Женоа”мизда ҳам бир мавсум тўп тепганди. Наҳот, гол урмаган бўлса?

Romani Tiziana (Francesco Anzano саволига жавобан)

Шомуродов ўзбеклардан биринчи бўлиб гол урди. Зейтуллаев А Серияда деярли ўйнамаган. Илёс гол урмагани аниқ.

Roberto Cianchi

Яқинда А Сериядаги биринчи ўзбекча хет-трикни кўришимизга ишончим комил! Шомуродов кейинги пайтда намойиш қилаётган ўйинига қараб баҳо берсак, у ҳали кўп нарсага қодир экани яққол кўриниб турибди.

Giampiero Venerelli

“Женоа” ўзбек футболчиси тарихга кириши учун атайин уни трансфер қилганга ўхшайди.

Claudio Altobelli

Ўша учрашувни томоша қилдим. Шомуродов нафақат биринчи гол, балки дастлабки дубль муаллифи ҳам бўлиши мумкин эди. Лекин биринчи бўлимда озгина омад етишмади. Барча ҳимоячиларни ортда қолдирганига қарамай, гол уролмади.

1587073763_124_112_960_582_600x0_80_0_0_fd6bf068ab2993bfea8d14bea94e7e70

Энди Элдор Шомуродовнинг жамоаси 7 декабрь куни сафар учрашувида “Фиорентина” меҳмони бўлади. Бу учрашувда ўзбекистонлик легионернинг асосий таркибда майдонга тушиши кутилмоқда. Ўйин Тошкент вақти билан соат 8 декабрга ўтар кечаси 00:45 да бошланади.

Шомуродовнинг муваффақиятидан сўнг, Россия клублари қайси футболчиларимизга харидор бўлади?

“Элдор тез орада А Серия грандларидан бирига ўтади!”

Шомуродов «Женоа» юлдузини захирага михлаб, ўзи гол ура бошлади

Матнда хатолик топсангиз, ўша хатони белгилаб, бизга жўнатинг (Ctrl + Enter)