Жиру: "Мбаппе билан ўйнаш - шунчаки бахт"

Франциялик ҳужумчи Оливье Жиру терма жамоадаги шериги Килиан Мбаппе билан майдонда бирга ҳаракат қилиш ҳақида фикр билдирди.

"Дастлабки дақиқаларда унинг узатмаларини голга айлантира олмаганимдан афсусдаман. Гол уришни жуда ҳам қаттиқ хоҳлайман.

Ҳаммаси ажойиб, Килиан қаерда бўлсам ҳам менга пас бера олади. Мбаппе билан ўйнаш - шунчаки бахт",-деди Жиру "beIN Sports" нашрига.

Маълумот учун, Оливье Жаҳон чемпионати нимчорак финал босқичидан ўрин олган Польшага қарши беллашувнинг 44-дақиқасида айнан Килиан берган узатмадан кейин дарвозани ишғол этганди.