Жокович мавсумдаги иккинчи совринини Истбурнда қўлга киритди

26 июнь куни Буюк Британиянинг Исбтурн шаҳрида старт олган АTP туркумидаги турнир бугун ўз ниҳоясига етди. Соврин жамғармаси 693 910 евро бўлган турнир финалига турнирнинг биринчи ракеткаси Новак Жокович хамда франциялик Гаэль Монфислар етиб келишди.

Сербиялик ракетка устасига Монфисни мағлуб этиш учун 1 соат 16 дақиқа етарли бўлди. 6:3, 6:4 ҳисобида ғалаба қозонган Жокович мавсумдаги иккинчи совринини қўлга киритди. Бундан ташқари, у илк бор майсали кортларда ғалабага эришди(Уимлдондан бошқа).

Яна бир эътиборли жиҳат шундаки, Монфис Жоковичга қарши ўтказган 14-ўйинида ҳам мағлубиятга учради. У шу вақтга қадар бирор марта Новакни мағлуб эта олмаган.

“AEGON International”. Истбурн. Финал

Новак Жокович (Сербия) – Гаэль Монфис(Франция) 6:3, 6:4.