Jon Jons tasdiqladi. Yana bir tarix o‘z yakuniga etmoqda!

MMA olamidagi eng buyuk jangchilardan biri, og‘ir vazn toifasida amaldagi UFC chempioni Jon Jons Stipe Miochichga qarshi jangdan so‘ng katta ehtimol bilan sportdagi faoliyatini yakunlashini tasdiqladi.

Avvalroq amerikalik mashhur jangchilar 16 noyabr kuni AQShning Nyu-York shahrida bo‘lib o‘tadigan "UFC 309" turnirining asosiy jangida to‘qnash kelishi rasman tasdiqlangandi.

"Ehtimol, Miochich bilan bo‘lgan jang faoliyatimdagi so‘nggisi bo‘ladi", - dedi MMA Orbit nashriga afsonaviy Jons.

Eslatib o‘tamiz, Jons yarim og‘ir vazn toifasidagi uzoq yillik hukmronlikdan so‘ng, og‘ir vaznga o‘tgan va Siril Ganni mag‘lub etib, bu divizionda ham chempionga aylangandi.