"Интер" спорт ишлари бўйича директори Жузеппе Маротта январь ойида "Челси" ҳужумчиси Оливье Жиру трансфери нима учун амалга ошмаганлиги ҳақида гапириб ўтди.

"Биз ҳақиқатдан Жиру билан шартнома имзолаш ниятида эдик, бироқ "Челси" раҳбарияти биз билан музокаралар ўтказишни ҳам исташмади. Бундай вазиятда бирон нима қилишингиз қийин", - дейди Маротта.

Эслатиб ўтамиз, Жирунинг трансфери учун қишда "Лацио" ва "Интер" клублари жиддий қизиқиш билдиришган эди, бироқ якунда ҳужумчи Лондонда қоладиган бўлди. Унинг "Челси" билан амалдаги шартномаси мавсум сўнггида якунига етади.