Кафу: “Анчелотти Бразилия футболини чуқур тушунади, деб ўйламайман”

Бразилия терма жамоаси афсонаси Кафу “Реал Мадрид” клуби бош мураббийи Карло Анчелоттининг миллий жамоа бошқарувига келиши борасида шубҳаларини билдирди. Унинг фикрича, италиялик мутахассис терма жамоа учун тўғри танлов бўлмаслиги мумкин.

“Ҳозирги ҳолатимиз шундайки, терма жамоамизда мураббий йўқ ва бизга мураббий керак. Анчелотти шундай мураббий бўлиш имкониятига эга – бу ҳақиқат. У келиб, жамоадаги ҳамма нарсани ўз жойига қўя олади. Лекин у ўз таниш футболчиларини тўғри вақтда ва тўғри жойда қўллайди. Бу ўйинчилар эса Европа жамоаларида ўйнаётганлар.

Агар у Бразилия термасини қабул қилса ва унга Кафу керак бўлса, мен ҳар доим тайёрман, шубҳасиз. Лекин... мен аниқ билмайман: Анчелотти Бразилия чемпионати ўйинларини томоша қиладими? Масалан, у “Фламенго” – “Коринтианс” ёки “Сан-Паулу” – “Палмейрас” учрашувларини кўриш учун тонгда туришга тайёрми? У ҳақиқатан ҳам Бразилия футболида нималар бўлаётганини тушуна оладими?

Кўпчилик: “Анчелотти яхши танлов, чунки у Европадаги йигитларни яхши билади”, дейишади. Лекин Бразилияда ўйнаётган болаларчи? Бу ерда порлаётган, маҳаллий чемпионатда ажралиб турган футболчиларчи?” – деди Кафу ESPN телеканалига берган интервьюсида.