Кака мундиаль фаворитларини айтди. Рўйхатда кутилмаган терма жамоа бор

Бразилиялик собиқ ярим ҳимоячи Кака "ЖЧ-2022" фаворитлари номини айтди.

“Мен Бразилияни ушбу мусобақа фаворити, деб биламан, чунки улар анча вақтдан бери катта лойиҳа устида ишламоқда. Жамоада катта тажрибага эга футболчилар етарли. Улар керакли пайтда жамоа ўйинларини тортиб кета олади. Сўнгги икки йил ичида Винисиус, Родриго, Антони ва бошқа кўплаб футболчилар пайдо бўлди. Мен бир неча ой олдин Бремерни танимасдим, лекин у ҳозирда кучли ўйин намойиш этмоқда”, - дея ярим ҳимоячининг сўзларини келтиради "La Gazzetta dello Sport".

Шунингдек, 40 ёшли бразилиялик жаҳон чемпионатида муносиб футбол кўрсатадиган яна бир қанча жамоаларни қайд этди.

“Бразилиядан кейин Аргентина ва Францияни олтин медаллар учун фаворит, деб биламан. Қолаверса, Сербия номини айитишим мумкин. Сабаби, уларда хавфли футболчилар бор", - дея қўшимча қилди "Милан"нинг собиқ футболчиси.

Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Бразилия Сербия, Швейцария ва Камерун билан бир гуруҳдан жой олган.