Камронбек Ортиқов ONE FCда жиддий рақибни таслим этди

Айни дақиқаларда Таиланднинг Банкок шаҳрида ONE Lumpine турнири давом этмоқда. Биз учун аҳамиятли жиҳати ушбу турнирда 59 кг вазн тоифасида ҳамюртимиз Камрон Ортиқов ҳам навбатдаги жангини ўтказди.
У австралиялик Оуме Мвамбига (6-1) қарши октагонга кўтарилди. Муросасиз кечган баҳсда юртдошимиз рақибига белбоғли курашнинг кучини кўрсатиб қўйди ва якунда ҳакамлар томонидан хақли тарзда ғалаба қозонганлиги эътироф этилди. Шу тариқа Камронбек Ортиқов профессионал фаолиятидаги 2-ғалабасини қўлга киритди.
Албатта, ушбу ғалабада унинг мураббийи Донёрбек Рўзиев ҳамда менежери Озодбек Пардаевнинг ҳам хиссалари беқиёс. Ўз ўрнида уларни ҳам муҳим ғалаба билан табриклаймиз!