Фабио Каннаваро: "Жамоанинг менталитети ва характери мени хурсанд қилди" (тўлиқ матбуот анжумани)

Ўзбекистон миллий терма жамоаси бош мураббийи Фабио Каннаваро Венесуэлага қарши беллашувдан сўнг ўйин ҳақида ўз фикрлари билан ўртоқлашди. 

"Биз жуда яхши иштирок этдик. Жуда яхши имкониятлар бўлган бўлса-да, уларни голга айлантира олмадик. Биз ўйин давомида прессинг қилиб бордик, ўйинни назорат қилдик. Ўзи умуман олганда жамоанинг ўйинидан хурсандман. Сабаби, вақт кам қолган тайёрланиш осон эмас. Бугун футболчилардан жуда ҳам яхши менталитет ва характер кўрдик. Шунингдек, жуда ҳам яхши жиддий ўйин кўрсатдик. Мен футболчиларимга айтиб ўтганимдек, бизда ўртоқлик учрашуви бошқа йўқ. Бошқа ўйинларда ўртоқлик учрашувидек ҳаракат қилмаслигимиз шарт". 

Март ойидаги икки учрашувда айниқса дастлабки баҳсда ҳимояда хатоларга йўл қўйилди. Лекин асосий ҳимоячи қайтганидан сўнг бу сал бартараф бўлди. Умуман, шу икки ўйиндан ҳимоячиларнинг ўйинидан қанчалик қониқдингиз? 

"Ўйинни жуда ҳам яхши бошладик, ҳеч қандай имконият бермадик. Яхши босим ва прессинг ўтказдик. Шунингдек, яккакурашларда ғолиб чиқдик, бу осон бўлмади, лекин ўйинчилар жуда ҳам яхши ўйин ўтказишди. Шу боис, мен улардан мамнунман. Барча яхши ишлаяпти ва мен буни хоҳлаяпман. Ҳимоячиларимиз ўзи бундай натижага эриша олишмас эди, агар барча бутун бўлиб ўйнамаганда. Ҳимояда бутун жамоа бўлиб яхши ўйнаяпмиз. 

Биз стандарт вазиятлар бўйича ишлашга вақтимиз кўп эмас. Аммо барибир ҳаракат қилдик, бу бўйича. Баъзи янги маълумотлар беришга ҳаракат қилдик. Шунингдек, бизда стандарт вазиятларни яхши амалга ошира оладиган икки яхши ўйинчи бор. Отабек Шукуров ҳамда Азизбек Ғаниев стандарт вазиятларда бизга жуда катта фойда беришади. Биз шу нарсаларни билган ҳолда, бу устида ишлашга ҳаракат қиламиз. 

Айтганимдек, бугун барча ўйинчилар ўзларини яхши кўрсатишди ва ўйнашди. Ундан аввалги ўйинда ҳам айрим аҳмоқона хатолар бўлди, сал консервациямиз жойи эмас эди. Аммо бугун биз сўраган барча нарсаларимизни амалга оширишди". 

Дастлабки 15 дақиқа ичида терма жамоамиз юқори прессингда ҳаракат қилди. Лекин кейинги вақтда эса жамоамизда қандайдир пасайиш бўлди. Мураббийлар штаби қандай ишлар олиб боряпти? 

"Бу мен учун нормал ҳисобланади. Тўғри, айрим футболчиларни ўзгартиришга ҳаракат қилдик. Ўйин темпи бошқача эди. Уларга ҳам бир неча марта имконият бердик. Сабаби, биз бироз чарчаган эдик. Ўйлайманки, бизнинг жисмоний ҳолатимиз янада яхшиланади. Маҳаллий футболчиларимиз ички чемпионатда атиги 4 тагина ўйин ўтказишди. Улар ҳали мавсум яримига ҳам етиб келмаган. Мавсум ярмига келгандан сўнг эса фарқи ўзингиз томоша қиласиз". 

Терма жамоамиз мазкур йиғиндаги икки ўйинда жуда ҳам ҳужумкор ўтказди. Лекин майдон марказида қандайдир бўшлиқлар бўлди. Яъни Одилбек Ҳамробеков ва Отабек Шукуров бироз қийналгандек, буни биз Жаҳон чемпионати олдидан схемани ўзгартириб ҳал қиламизми ёки бошқа ечим борми? 

"Ўйлашимча, футболчиларим яхши ўйин кўрсатишяпти. Ўртада агар икки ўйинчи қолдирсак, жуда ҳам қийин барча зоналарни ёпиш. Бизнинг қанот ҳимоячиларимиз ва вингерларимиз биргаликда ҳаракат қилади. Агар биз ҳам икки таянч ярим ҳимоячисининг ўзини қолдирамиз десак, бунинг иложи қолмайди. Айтганимдек, бугун икки ярим ҳимоячимиз ҳам яхши ўйин кўрсатишди". 

Абдувоҳид Неъматовни асосий таркибда ташлаш бу пенальтилар сериясига олдиндан тайёргарликмиди? 

"Мен ўйиндан олдин ҳал қилиб бўлган эдим. Мен дарвозабонлар билан учрашувдан аввал гаплашган эдим. Биз қарор қабул қилиб бўлган эдик. Битта ўйинда бир дарвозабонимиз, 1 ўйинда эса бошқа посбонимиз ҳаракат қилиши керак эди. Агар бизда имкон бўлганда, иккинчи ўйиннинг сўнгги 20 дақиқасида учинчи дарвозабонга ҳам имкон берар эдик". 

Жаҳон чемпионати олдидан сўнгги муҳим йиғинни ўтказдик. Шу йиғин ҳақида фикрингиз қандай?

"Жаҳон чемпионати барибир бошқа даражада бўлади. Биз билан учрашадиган жамоаларнинг даражаси бошқача бўлади, у ердаги темп ва об-ҳаво умуман бошқача бўлади. Биз ўртоқлик ўйинларини Жаҳон чемпионатининг ўйинлари билан таққослай олмаймиз. Аммо мен хурсандман қадамма-қадам яхшиланиб, нимадирлар ўзгартиришга ҳаракат қиляпмиз. Мен келганимдан буён жуда ҳам кўп яхши нарсаларга ўзгаришни кўрдим". 

Навбатдаги терма жамоамиз 5 майда йиғилиши кутиляпти. Ўша даврда Суперлиганинг 7 та тури бўлиб ўтган бўлади. Таркибимизнинг юқори қисми Суперлига футболчиларидан иборат. Жароҳатларнинг олдини олиш бўйича ўйлаяптиларми? 

"Бу нормал ҳолат, чемпионат бошланганда жароҳатланган футболчиларнинг бўлиши - одатий ҳолат. Уларни яна майда чақирамиз. Икки ҳафталик йиғин ва икки беллашув ўтказамиз. Сўнгра биз легионер футболчиларимизни кутамиз, улар билан ҳам яна бир ўйин ўтказиб, Канадага ўртоқлик баҳсини ўтказиш учун учиб кетамиз. Бу вақт давомида барча футболчиларни назорат қилишга ва уларни яхшилашга ҳаракат қиламиз. Сабаби, жароҳатланган футболчилар жуда ҳам катта фактор ҳисобланади. Биз ўйинчиларга ёрдам беришни хоҳлаймиз, уларнинг кўплаб йиллар давомида юқори темпда ўйнаши учун. Ўйинчилар тўғри овқатланса, тўғри машғулот ўтказса ва тўғри уҳласа уларнинг фаолияти 10 йил эмас, 15 йил бўлиши мумкин. Шу ерда фарқ сезилади. Баъзи одамлар учун ғалати туйилиши мумкин, аммо биз футболчиларнинг узоқ йиллар ўйнаши учун ҳаракат қиляпмиз".