Канселуга "Бавария"да ҳам кўп имконият берилмаяпти

Трансфер ҳуқуқи "Манчестер Сити"га тегишли бўлган Жоау Канселу айни дамда "Бавария" сафида тўп тепмоқда. Португалиялик ҳимоячи Гвардиола билан бўлган муаммолардан сўнг Германияга йўл олганди.

Канселуга эндиликда "Бавария"да ҳам кам ўйин амалияти берилмоқда. У клубнинг сўнгги иккита ўйинида 12 дақиқа майдонда ҳаракатланди. Жоау ушбу ҳолатдан хафа бўла бошлади, дея хабар бермоқда "Sky Sport" нашри. 

Аввалроқ жамоа бош мураббийи Нагельсманн ҳам фулбекни нима учун ўйнатмаётганига изоҳ берганди. "Жоау яхши футболчи, Аммо Станичич (Канселунинг ўрнига асосий таркибда ўйнаган хорват) яхшироқ ҳимоялана олади", деди германиялик мутахассис.