Кариус яна "Ливерпуль"га қайтмоқда

Мавсумни "Бешиктош" сафида ижарада ўтказган германиялик посбон Лорис Кариус турк клуби билан шартномани бекор қилди. Бу ҳақда NTV Spor хабар тарқатмоқда.

Юқоридаги манбага кўра, Кариус шартномани бекор қилиш ҳуқуқидан фойдаланган. Энди у ўзининг трансферига эгалик қилувчи “Ливерпуль” сафига бориб қўшилади.

26 ёшли Кариус жорий мавсум “Бешиктош” сафида 32 та ўйинда майдонга тушди ва ўз дарвозасидан 46 та гол ўтказиб юборди. Унинг “Ливерпуль” билан амалдаги шартномаси 2022 йилга қадар имзоланган.