Karlo Anchelotti sobiq klubini sudga berdi

Karlo Anchelotti "Everton" ustidan sudga murojaat qildi.

"The Guardian" nashri xabariga ko‘ra, Anchelottining "Everton"ga qarshi da’vosi o‘tgan juma kuni London Oliy sudida ro‘yxatga olingan. Shikoyat "umumiy tijorat kelishuvlari"ga tegishli.

Murabbiyning sobiq klubiga nisbatan qanday aniq da’volarni ilgari surgani ma’lum qilinmagan. Italiyalik advokatlar vaziyatga izoh berishmadi, Everton ham "The Guardian" so‘roviga javob bermadi.

Karlo Anchelotti "Everton"ni 2021 yilda klubdagi ikki yillik faoliyatidan so‘ng tark etdi. Ishdan bo‘shatilgandan so‘ng, murabbiy "Real" Madrid bilan 2024 yilgacha shartnoma imzoladi.