Карвахаль Мбаппенинг "Реал"га ўтишига ишонадими?

Мадриднинг “Реал” клуби ва Испания терма жамоаси ҳимоячиси Дани Карвахаль ПСЖ ҳужумчиси Килиан Мбаппе ҳақида фикр билдирди.

"Мбаппе ажойиб футболчи, унинг номи кўп йиллардан буён жамоамизда янграмоқда. Унинг шартномаси яқинда тугайдиганга ўхшайди. Менимча, у келажакда бизнинг жамоа либосини кияди шекилли.

Лекин ҳозир у ПСЖда ўйнайди ва улар бизнинг рақибимиз (Чемпионлар лигасининг 1/8 финалида). Шундай экан, ягона фикр унга қарши майдонда яхши ўйнаш. Агар мен ўйнасам ва у ҳам майдонда бўлса, биз бир қанотда бирлашамиз", - деди Карвахаль.

Олдинроқ “Барселона”нинг собиқ президенти Жоан Гаспар франциялик футболчи аллақачон “Реал” билан шартнома тузиб бўлгани ҳақида гапирган эди.