Карвахаль "Осасуна"га қарши ўйинда "Реал"га ёрдам беролмайди

“Реал” ҳимоячиси Даниэль Карвахаль кеча Ла Лиганинг 17-туридан ўрин олган “Сельта”га (2:0) қарши ўйинда ҳакам томонидан сариқ карточка билан огоҳлантирилди.

Бу 28 ёшли испаниялик футболчи учун жорий мавсум чемпионатдаги 5-сариқ карточка бўлди. Энди Карвахаль 18-турда “Осасуна”га қарши баҳсни ўтказиб юборади.

Даниэль Карвахаль жорий мавсум Ла Лигада 10 та ўйинда майдонга тушди ва 2 та голга ассистентлик қилди.