“Каспий” футболчилари ўзбек клуби билан куч синашмоқчи

Туркияда ўқув-машғулот йиғинларини ўтаётган Қозоғистоннинг “Каспий” жамоаси яна иккита ўртоқлик учрашувида майдонга тушишини эълон қилди.

Клуб матбуот хизмати тарқатган хабарга кўра, актауликлар 16 февраль куни Ўзбекистоннинг “Қизилқум” ва уч кундан кейинУ Украинанинг “Кривбасс” жамоалари билан ўртоқлик ўйинида майдонга тушади.

“Қизилқум” Ўзбекистон Суперлигасида ўтган мавсумни анча муваффақиятли ўтказди. Зарафшонлик футболчилар миллий чемпионатни бешинчи ўринда якунлади.

“Каспий” жамоаси 2022 йилги чемпионатда юқори ўринлар учун кураша олгани йўқ. Бу жамоа 14 жамоа иштирокидаги Премьер-лигада саккизинчи поғонани эгаллади.