Каталониядан келган Суарес Мадридни забт эта бошлади

“Барселона”дан “Атлетико”га кўчиб ўтган уругвайлик ҳужумчи Луис Суареснинг янги жамоа тарихига кириши учун бир неча дақиқа кифоя қилди.

“Атлетико” ўз майдонида “Гранада”га қарши ўтказган учрашувнинг 70-дақиқасида захирадан ўйинга қўшилиб, баҳс охиригача иккита гол уриб, битта голли пас узатган Суарес тарихий натижа қайд этди.

33 ёшли ҳужумчи бу кўрсаткичи билан XXI асрда “Атлетико”даги илк учрашувида ҳам гол уриб, ҳам самарали пас оширган биринчи футболчига айланди. Шунингдек, Суаресгача ҳеч ким дебют ўйинида дубль қайд этмаган экан.

Матнда хатолик топсангиз, ўша хатони белгилаб, бизга жўнатинг (Ctrl + Enter)