Каталонияликлар ҳимоячиси билан келишувни бекор қилди

Испаниянинг “Эспаньол” клуби жамоа ҳимоячиси Мартин Демикелис билан шартномани муддатидан аввал бекор қилди.

Аргентиналик 36 ёшли футболчи келишув тугашига 6 ой қолганида эркин агентга айланди. Жорий мавсум бошида каталонияликлар сафига келиб қўшилган Демикелис шу вақтга қадар атиги 2 та расмий учрашувда майдонга тушган.

Мартин етарлича ўйин амалиётига эга бўлмагани учун раҳбарият билан урушиб қолган. У катта эҳтимол билан Аргентинага йўл олади.

Ўз вақтида Мартин Демикелис “Бавария” (2003–2010), “Малага” (2011–2013), “Атлетико” (2013) ва “Манчестер Сити” (2013–2016) каби клубларда тўп сурган.