Каталонияликлар “Сити” юлдузини “Барса”га келишга кўндирди

“Барселона” келаси мавсум олдидан таркибини тажрибали ижрочилар билан кучайтиришни режалаштирмоқда.

Каталония клуби мутасаддилари ана шу мақсадда “Манчестер Сити” сардори Илкай Гюндоғанни “Барса” сафига қўшилишга кўндирди.

Todofichajes нашрининг маълум қилишича, 32 ёшли германиялик футболчи 1+1 кўринишида шартнома имзолайди. Гюндоған аввалига бир мавсум учун кафолатланган 10 миллион евро олишини маълум қилганди. Музокаралар натижасида бу сумма 7,5 миллион еврога пасайтирилди.

Бироқ, футболчи натижаларига қараб, бонуслар ишлаб олиши ва ана шундай маоши 10 миллион еврогача кўтарилиши мумкинлиги белгиланди.