Каземиро нечта ўйинга дисквалификация қилинди?

"Манчестер Юнайтед" Премьер-лиганинг 27-турида "Саутгемптон" меҳмони бўлди ва очко йўқотди. Ўйиннинг 34-дақиқасида Каземиро Алкарезга нисбатан қополлик ишлатиб, сариқ карточкага лойиқ кўрилди. Аммо ВАР текшируви натижасида Энтони Тейлор ярим ҳимоячига қизил карточка кўрсатди. 

Маълум бўлишича, Каземиро "Манчестер Юнайтед"нинг кейинги 4 та ўйинида майдонга тушмайди. У "Нюкасль", "Брентфорд", "Эвертон" ва "Ноттингем Форест"га қарши баҳсни ўтказиб юборади. 

Бразилиялик футболчи ушбу мавсумда иккинчи бор қизил карточка билан жазоланмоқда. Каземиро ўтган сафар "Кристал Пэлас" билан бўлган учрашувда майдондан четлатилган.