Келаси мавсум Лига 1 да 22 та клуб иштирок этиши мумкин

“Амьен” клуби Франция профессионал футбол лигасидан чемпионатни муддатидан аввал якунлагани учун янги мавсумда Лига 1 да иштирокчи жамоалар сонини оширишни талаб қилмоқда. Бу ҳақда клуб расмий сайти хабар тарқатди.

Гап шундаки, 19-ўринда қолиб кетган “Амьен” ўзининг қуйи дивизионга тушириб юборилишини адолатсизлик, деб баҳоламоқда. Улар янги мавсумда Лига 1 да 22 та жамоа иштирок этиши бўйича петиция эълон қилишди. Эътиборлиси, ушбу петиция аллақачон минглаб имзо тўплашга улгурди.

Эслатиб ўтиш лозимки, Франция профессионал футбол лигаси коронавирус туфайли чемпионатни муддатидан аввал якунлашга қарор қилди ва пешқадам ПСЖни чемпион, деб эълон қилди. Сўнгги ўринларни эгаллаган “Амьен” ва “Тулуза” эса Лига 2 га тушириб юборилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)