Kenjayev_Professional_Legaue да жанг қилувчи жуфтликлар маълум бўлмоқда! (Постер)

17 сентябрь куни Андижон вилояти Пойтуғ шаҳарчасида Kenjayev_Professional_Legaue навбатдаги турнирини ўтказади. Хабарингиз бор, ушбу лига К-1 ҳамда бушидо бўйича жанглар ташкил этади. 

Бугунга келиб, турнирда иштирок этувчи жуфтликлар ҳам маълум бўлган ва биз аста-секин улар билан таништириб борамиз. Демак, мазкур кечада -71 кг вазн тоифасида Баҳодир Шоабдуқодиров - Бобур Ўринбоевга қарши жанг қилса, -63 кг вазнда Муҳиддин Ҳакимжонов -Адҳамжон Абдумўминов билан баҳс юритади. 

Шунингдек, - 60 кгда Муҳаммадали Муҳаммаджонов - Ҳусанбой Адилов билан яна бир -60 кг вазнда эса Фарҳод Иброҳимов ҳамда Абдулазиз Тошкенбоев қарама-қаршилигига гувоҳ бўламиз. Тез орада "файт-кард"дан ўрин олган бошқа жуфтликларни ҳам эътиборингизга ҳавола этамиз. 

Шу ўринда алоҳида таъкидлаб ўтиш жоизки, ушбу турнир Sports.uz сайтининг Youtube каналида тўғридан-тўғри трансляция қилинади. Воқеалар ривожини бизда кузатиб боринг!