Кетма-кет уч мағлубиятдан кейин ниятимга етдим!

“Арсенал” бош мураббийи Микель Артета клуб раҳбарияти амалдаги шартномаси 2025 йилнинг ёзигача узайтирганига муносабат билдирди.

- Бу ҳақда айрим одамлар мендан олдин хабар топган ва гапириб юрганди. Бунақа нарсалар менга ёқмайди. Қизиғи, клуб кетма-кет учта мағлубиятдан кейин менга уч йиллик битим тақдим этди, - деди Микель Артета.

Испаниялик мутахассис “канонирлар”ни 2019 йилнинг декабрида қабул қилиб олган эди. Унинг қўл остида лондонликлар мамлакат кубоги ва Суперкубогида зафар қучди.

Артета Хосеп Гвардиоланинг шогирди ҳисобланади. У Лондонга келгунга қадар “Манчестер Сити”да ёрдамчи мураббий бўлиб ишлаган.