Ketma-ket uch mag‘lubiyatdan keyin niyatimga etdim!

“Arsenal” bosh murabbiyi Mikel Arteta klub rahbariyati amaldagi shartnomasi 2025 yilning yozigacha uzaytirganiga munosabat bildirdi.

- Bu haqda ayrim odamlar mendan oldin xabar topgan va gapirib yurgandi. Bunaqa narsalar menga yoqmaydi. Qizig‘i, klub ketma-ket uchta mag‘lubiyatdan keyin menga uch yillik bitim taqdim etdi, - dedi Mikel Arteta.

Ispaniyalik mutaxassis “kanonirlar”ni 2019 yilning dekabrida qabul qilib olgan edi. Uning qo‘l ostida londonliklar mamlakat kubogi va Superkubogida zafar quchdi.

Arteta Xosep Gvardiolaning shogirdi hisoblanadi. U Londonga kelgunga qadar “Manchester Siti”da yordamchi murabbiy bo‘lib ishlagan.