Кейлор Навас фаолияти МЮда давом эттириши мумкин
Мадриднинг "Реал" клуби дарвозабони Кейлор Навас яқинлашиб келаётган ёзги трансферлар даврида "Манчестер Юнайтед"га кўчиб ўтиши мумкин.
The Telegraph нашрининг ёзишича 32 ёшли коста-рикалик посбон “қироллик клуби” унга асосий таркиб футболчиси сифатида қарамаётгани сабаб фаолиятини айнан манкуанликлар сафида давом эттиришга рози. “Қизил иблислар” эса ўзининг асосий дарвозабон Давид Де Хеа билан шартномани узайтириш борасида келиша олишмаяпти ва шу боис унинг ўрнига Навасни олиб келишни режалаштиришмоқда.
Маълумот учун, Навас жорий мавсум “Реал” сафида 20та ўйинда майдонга тушди ва ўз дарвозасидан 19та гол ўтказиб юборди. Унинг мадридликлар билан амалдаги шартномаси 2020 йилга қадар имзоланган.
Фикрлар