Keyn: “Muhimi – uch ochko. Biz jamoaviy ruhni namoyon etdik”

Germaniya Bundesligasining navbatdagi turida “Bavariya” o‘z maydonida “Augsburg”ni 3:1 hisobida mag‘lub etdi. Uchrashuvda gol mualliflaridan biri bo‘lgan va jamoasi harakatlarini yuksak baholagan Xarri Keyn o‘yindan so‘ng fikrlari bilan o‘rtoqlashdi.

— Biz muhim g‘alabaga erishdik. Bu oson kechmadi, chunki hisobda orqada qoldik, lekin javob qaytarishimiz juda muhim edi. Biz kuchli jamoaviy ruhni namoyon etdik. Bunday vaziyatda eng asosiysi — uch ochkoni olish.

Biz standart vaziyatlar ustida qattiq ishladik va bugun gol urishga erishganimiz juda quvonarli. 

“Bavariya” etakchilaridan biri bo‘lgan Jamal Musialaning jarohati ham Keynni bee’tibor qoldirmadi:

— Jamal bilan sodir bo‘lgan voqeani ko‘rib, albatta, ranjiysan. Unga barchasi yaxshi bo‘lishini tilayman. Oxirgi haftada jamoamizda ko‘plab jarohatlar ro‘y berdi. Oldinda juda muhim o‘yinlar bor va bugungidek vaziyatlarda jamoa sifatida birga harakat qilishimiz kerak.

Shuningdek, angliyalik hujumchi “Bavariya”dagi tajribali futbolchi Tomas Myuller bilan maydondagi hamkorligini ham alohida ta’kidladi:

— Tomas bilan birga ko‘plab o‘yinlarda harakat qilganmiz. U bilan maydondagi o‘zaro tushunish darajamiz juda yuqori" – deya so‘zlarini yakunladi Keyn.