Кейн Роналдудан тезроқ 500 та гол уришга эришди

"Бавария"нинг англиялик тўпурар ҳужумчиси Харри Кейн Бундеслига 22-туридан ўрин олган "Вердер"га (3:0) қарши баҳсда дубль қайд этиб, 743 та ўйинда 500 та гол урди. Шу тариқа, англиялик форвард XXI асрда ушбу кўрсаткичга эришиш тезлиги бўйича Transfermarkt рейтингида учинчи ўринни эгаллади.

"Интер Майами" ва Аргентина терма жамоаси ҳужумчиси Лионель Месси фаолиятида 500 та гол уриш учун энг кам ўйин ўтказган (632 та ўйин), иккинчи ўринда "Барселона"нинг полшалик футболчиси Роберт Левандовски (730 та ўйин) бормоқда. "Ан-Наср" ва Португалия терма жамоаси сардори Криштиану Роналду рейтингнинг тўртинчи поғонасига тушиб қолди (753 та ўйин).