Кейнда 2 та вариант бор

"Тоттенхэм" клуби ва Англия терма жамоаси ҳужумчиси Ҳарри Кейн ёзги трансфер ойнасида "Манчестер Юнайтед" билан шартнома имзолаш борасида музокаралар ўзказишга тайёр.

The Sun нашри тарқатган хабарга қараганда, ҳозирда ҳужумчининг асосий мақсади "Тоттенхэм" билан шартномасини узайтириш, чунки амалдаги шартнома 2024 йилда тугайди.

Қайд этилишича, англиялик тўпурар Антонио Контенинг лойиҳасидан ҳайратда ва шу сабабли ҳам “шпорлар” сафида қолиши мумкин, бироқ у бошқа жамоалар, жумладан, «Манчестер Юнайтед»нинг музокаралари ва таклифларига ҳам қарши эмас.

Ҳарри Кейн жорий мавсум АПЛда жами 29 та ўйинда майдонга тушиб, 12 та гол урди ва 6 та голли узатмани амалга оширди.