Кейннинг мазаси қочди, Сон Хин Мин ҳушидан кетди!

Ўқув-машғулот йиғинини Жанубий Кореяда ўтказаётган “Тоттенхэм” бош мураббийи Антонио Конте машғулотлар вақтида кутилмаган муаммога дуч келди.

Сеулдаги стадионда ўтказилган машқлар юкламаси оқибатида бир неча футболчининг мазаси қочди.

Манбанинг таъкидлашича, “Тоттенхэм” ўйинчилари 30 даража иссиқ об-ҳаво шароитида шуғулланган. Конте ўз шогирдларига майдон бўйлаб 42 марта югуришни буюрган.

Биринчилардан бўлиб, “Тоттенхэм”нинг асосий тўпурари Ҳарри Кейннинг мазаси қочиб, кўнгли айниди. Ўз юртидаги ҳароратга дош беролмаган Сон Хин Мин ҳушидан кетиб қолди.

“Тоттенхэм” йиғин давомидаги биринчи учрашувини 13 июль куни ўтказиши керак.