Германиянинг “РБ Лейпциг” клуби форварди Наби Кейта ўзининг “Ливерпул”га бориб қўшилишини интизорлик билан кутмоқда.

Express нашрининг хабар беришича 22 ёшли гвинеялик футболчи аслида мерсисайдликлар сафига жорий мавсум якунлангач бориб қўшилиши керак. Лекин, у воқеалар ривожини янада тезлашишини ва тезроқ “Энфильд”га кўчиб ўтишни истамоқда. Кейта хатто бу масала юзасидан “РБ Лейпциг” раҳбарияти билан учрашган ва ўзини муддатидан аввалроқ қўйиб юборишларини сўраган.

Эслатиб ўтамиз, Кейта “Ливерпуль” билан жорий йилнинг ёзида шартнома имзолаган эди. Бироқ, жамоалар ўртасида тузилган келишувга кўра футболчи 2017/18 йилги мавсумни немис клубида ўтказиши белгилаб қўйилган.