Кичик ҳисобда ғалаба қозонган "Пахтакор" пешқадамликни қайтариб олди

Ўзбекистон Суперлигаси 9-туридан ўрин олган "Қизилқум" - "Пахтакор" учрашуви ўз ниҳоясига етди. Тенгма-тенг курашларга бой ўтган ўйин тошкентликларнинг кичик ҳисобдаги ғалабаси билан якунланди. Ўйин тақдирини ҳал қилган ягона голга 62-дақиқада Драган Черан муаллифлик қилди.

Шу тариқа, ғалабани қўлга киритган "Пахтакор" турнирдаги очколари сонини 22 тага етказиб олган ҳолда жадвалдаги пешқадамликни қайтариб олди. Айни дамда уларнинг ҳисобида битта захира учрашуви ҳам мавжуд. "Қизилқум" эса 10 очко билан 10-ўринни эгаллаб турибди.

Ғалаба билан "шерлар" мухлисларини табриклаб қоламиз!

• 90+5'
  

  Учрашув якунланди! "Пахтакор" пешқадамликка қайтди! Эътиборингиз учун раҳмат!

• 90+4'
  

  Асабийлашиб кетган Бойдуллаев ҳам огоҳлантирилди.

• 90+3'
  

  Вақтни чўзгани учун "Пахтакор" дарвозабони Қувватов огоҳлантирилди.

• 90+1'
  

  Сўнгги дақиқаларда "Қизилқум" шиддатни тобора оширмоқда! Қувватов сейв амалга оширди.

• 90+'
  

  Иккинчи бўлимга 4 дақиқа вақт қўшиб берилди.

• 88'
  

  Жўраев сариқ карточка олди.

• 87'
  

  "Пахтакор"да Дердийок ўрнига Холдорхонов, Эркинов ўрнига Йўлдошев туширилди.

• 84'
  

  Драган Черан сариқ карточка билан огоҳлантирилди.

• 80'
  

  "Пахтакор" вакили Иминов сариқ карточка билан огоҳлантирилди.

• 78'

  Жарима майдончаси ичидаги футболчига тўп етказиб берилди, бироқ ижрода камчилик юзага келди... Ҳисоб тенглашиши мумкин эди.

• 75'
  

  Бош билан берилган зарбани Қувватов ушлаб олди!

• 74'
  

  "Қизилқум"нинг ҳужуми яна бир бор бурчак тўпи билан якунланди.

• 72'
  

  "Пахтакор"да Муҳиддинов ўрнига Иминов, Холматов ўрнига Турғунбоев туширилди.

• 71'
  

   "Қизилқум"да Азимов ўрнига Жўраев туширилди.

• 68'
  

  "Қизилқум"дан Тўхтахўжаев огоҳлантирилди.

• 67'
  

  Мустафоев ҳимоячиларни алдади ва зарба берди, бурчак тўпи ишланди.

• 65'
  

  Эркинов майдонда ёрдамга муҳтож. Ўйинда кичик пауза.

• 63'

  Нестеров кўп вазиятларда жамоасининг жонига оро кирмоқда.

• 61'
  

  ГОООООООООООООООООЛЛЛ!!! Жуда мураккаб ўйинда ҳисоб очилди. Драган Черан вазиятдан унумли фойдаланди ва дарвозани ишғол қилди.

• 58'

  "Қизилқум"нинг сўнгги ҳужумлари анчайин кескин чиқмоқда.

• 56'

  Ўйинда устунлик иккала томонда ҳам эмас. Ҳар томонлама тенглик.

• 55'
  

  Қиличевнинг зарбасидан сўнг Қувватов тўпни қойилмақом тарзда қайтарди!

• 52'

  "Пахтакор"нинг ҳужумлари сони ҳам ошиб қолди.

• 50'

  Дердийокнинг зарбаси дарвозабонга қийинчилик туғдирмади.

• 49'
  

  "Қизилқум"да ўзгариш: Жамшид Ҳасанов ўрнига Беҳруз Саъдуллаев ўйинга қўшилди.

• 48'
  

  Бурчак тўпидан сўнг ҳимоячилар тўпни узоқлаштирди.

• 48'

  Ойбек Қиличевнинг зарбаси ҳимоячига тегиб майдонни тарк этди.

• 47'
  

  Бурчак зарбаси позцион ҳужумга уланиб кетди.

• 47'

  "Пахтакор" тезкор ҳужум уюштирди, сўнгги зарбага ҳимоячи блок қўйди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим асабий тарзда якунланди. Танаффус.

• 45+'
  

  Биринчи бўлимга 1 дақиқа қўшиб берилди.

• 44'

  "Қизилқум" таймни фаолликлари билан тугатмоқчи.

• 42'

  Ухх! "Пахтакор" шундай вазиятни қўлдан чиқарди... Черандан ноаниқ зарба.

• 42'

  Мати Вацадзе қўпол ўйнади. Жарима зарбаси.

• 40'

  Ўйин темпи  у қадар юқори эмас. "Пахтакор" ўз класси эвазига 2-бўлимда ютиб кетмоқчи шекилли.

• 38'

  Қувватов тўпни эгаллаб олиб, мезбонларнинг ҳужумига якун ясади.

• 37'

  "Қизилқум"нинг ҳужумлари анча жозибали ва ранг-баранг чиқмоқда.

• 36'

  "Пахтакор" ўта хотиржам ўйнамоқда. Ўйин унчалик тезкор ҳам эмас.

• 34'

  Муҳитдиновнинг узоқ масофадан йўллаган зарбасига аниқлик етишмади.

• 33'

  "Пахтакор"да барибир класс юқорилиги биттада сезилади.

• 32'

  "Қизилқум" футболчиси "Пахтакор" жарима майдончаси чизиғи устида йиқилиб тушди. Ҳакам жим.

• 31'

  "Қизилқум" қанотларда фаол. Иккала қанотлардан ҳужумлар тинмай уюштирилмоқда.

• 29'

  Убайдуллаевнинг қанотдан узатган тўпини дарвозабон ушлаб олди.

• 27'

  Черан жарима майдончаси ичига тўпни етказиб бера олмади, ҳимоячилар бехато ҳаракат қилишмоқда.

• 25'

  Майдонда деярли тенг курашлар кечмоқда. "Қизилқум" ҳам осонликча бўш келадиганга ўхшамайди.

• 23'

  "Пахтакор"нинг узоқ вақт уюштирган ҳужуми Чераннинг ноаниқ ҳаракати туфайли тўхтаб қолди.

• 21'

  "Қизилқум" рақиб жарима майдончаси атрофида прессинг уюштирмоқда.

• 19'

  Чераннинг зарбасига аниқлик етишмади.

• 17'

  Секин-аста ўзига ўхшаётган "Қизилқум" бирин-кетин ҳужумар уюштиришни бошлади

• 15'

  "Пахтакор" "Қизилқум"ни ўз жарима майдони ичига қамаб қўйди.

• 13'

  Устунлик ҳар тарафлама "Пахтакор"да. Ўйин қоидаси навоийликлар томонидан бузилди.

• 11'

  Ўйин марказга кўчди.

• 9'

  Илк ўн дақиқалик меҳмонларнинг устунлигида ўтди.

• 7'

  Холматовнинг боши билан берган зарбасидан сўнг Нестеров тўпни ушлаб олди.

• 5'

  Тўп назорати ва прессинг "Пахтакор"да юқори.

• 3'

  Ўйин "Пахткор"нинг устунлигида бошланди.

• 1'
  

  Учрашув бошланди!