Киммих "Бавария"дан кетмоқчи
"Бавария" ярим ҳимоячиси Жошуа Киммих ушбу трансфер ойнасида Мюнхен жамоасини тарк этишни тезлаштирмоқчи. Журналист Ферран Мартинеснинг хабар беришича, германиялик хавбек "Барселона"га ўтиш ниятида. Киммихнинг собиқ жамоадоши Роберт Левандовски ўтган ёзда худди шундай йўлдан борди.
"Барселона" Киммихни Серхио Бускетс ўрнига асосий ўринбосар сифатида кўрмоқда, бироқ футболчининг "Бавария" билан икки йиллик шартномаси борлиги трансферни қийинлаштирмоқда.
Эслатиб ўтамиз, "Барселона"да ҳам ҳозирда трансферларга катта маблағ сарфлашга имкон бермайдиган молиявий муаммолар мавжуд.
Фикрлар