Клаудио Раньери: А Серияда кучли тўртликка кириш учун кураш охиригача давом этади

"Рома" клуби бош мураббийи Клаудио Раньери Чемпионлар лигаси йўлланмасини берувчи кучли тўртик учун кураш охирги турларгача давом этишини айтди.

Эслатиб ўтамиз, римликлар айни дамда А Серия мусобақа жадвалида 5-ўринни эгаллаб туришибди. Уларни 4-ўринда бораётган “Милан”дан бир очко ажратиб турибди.

“Кучли тўртликка кириш учун кураш охирги турларгача давом этади. Чунки, барча жамоалар ҳозир яхши формада. Бу Чемпионлар лигаси йўлланмасини қўлга киритиш учун сўнгги имкониятдир”, - дейди италиялик мутахассис.