Клопп Эрик тен Хаг “Лейпциг”ни бошқаришига йўл қўймади

“Манчестер Юнайтед” бош мураббийлигидан истеъфога чиқарилганидан кейин ишсиз юрган Эрик тен Хаг “Лейпциг”ни қабул қилишга тайёр эди.

Sky Sports нашрининг ёзишича, нидерландиялик мутахассиснинг Бундеслига жамоасини бошқаришига “Ливерпуль”нинг собиқ бош мураббийи Юрген Клопп йўл қўймаган.

Клопп айни пайтда “Ред Булл” компаниясининг халқаро футбол бўлимини раҳбари бўлиб фаолият юритмоқда. Айнан у Эрик тен Хаг номзодига қарши чиққан.

Германиялик мутахассис Эрик тен Хаг ўрнига бошқа уч нафар номзод – Булар Себастьян  Хёнес (“Штутгарт”), Оливер Гласнер (“Кристал Пэлас”)  ва Рожер Шмидтни (“Бенфика” собиқ бош мураббийи) бош мураббийликка тавсия қилди.