Клопп: “Интер“ биз учун ҳамон хавфли“

“Ливерпуль“ бош мураббийи Юрген Клопп “Интер“ устидан қозонилган ғалабадан сўнг фикрларини билдириб ўтди. Унинг айтишича, илк ўйиндан сўнг ҳали ҳеч нарса ҳал бўлгани йўқ.

“Бу биз учун 1-тайм эди, холос. 2-тайм Ливерпулда давом этади.

Кутилганидек, қийин ўйин бўлди. Бироқ биз буни билардик.

2:0 яхши натижадек кўринади. Лекин мен иккинчи ўйин аҳамиятсиз, демаган бўлардим.

“Интер“ - жисмоний томонлама кучли жамоа. Миланликлар пас билан яхши ўйин кўрсатади ва айниқса, ҳимояда тартибли ҳаракат қилади. Бизнинг “Интер“га қарши миссиямиз ҳали тугагани йўқ“, - деди германиялик мутахассис.