Клопп: "Кейинги финал қачон? "Ливерпуль" учун жой тайёрлаб қўйинг. Яна қайтамиз!"

"Ливерпуль" бош мураббийи Юрген Клопп "Реал"га учралган мағлубиятдан сўнг ўз фикрларини билдириб ўтди. 

"Кийиниш хонасида ҳеч ким мавсум ажойиб ўтганини эсламаётганди. Ҳа, бу оғриқли мағлубият бўлди. Буни қабул қилиш учун вақт керак.

Биз яхши ўйин ўтказдик. Аммо мукаммал эмас. Шунга қарамай, рақибнинг ўйинини ҳам етук услуб, дея олмайман. 

Жуда кўп зарбалар бердик. Бироқ голдан дарак бўлмади. Куртуа иккита фантастик сейв ижро этди. Буни тан олиш керак. 

Финалга етиб бориш ҳам муваффақият. Мен яна финалда ўйнашимизга ишонаман. Йигитлар ҳам буни яхши билади. 

Кейинги финал қачон ва қаерда бўлади? Истанбулдами? Биз учун жой тайёрлаб қўйинг. Яна қайтамиз!", - деди германиялик мутахассис.