Клопп кучлими ёки Гвардиола? Бу саволга уларнинг иккаласи билан ҳам ишлаган футболчи жавоб берди

Германиялик ярим ҳимоячи Илкай Гюндоган “Манчестер Сити”даги устози Хосеп Гвардиола ва “Боруссия” Дортмунддаги устози Юрген Клопп ҳақида гапириб ўтди.

“Юрген Клопп ва Хосеп Гвардиола – дунёнинг энг зўр икки мураббийи. Тўрт йил олдин мен Клопп билан ишлаганман. Бу мураббийни жудаям яхши кўраман. У ажойиб жамоавий руҳ яратади ва футболчиларнинг кучига куч қўшади.

Тактика нуқтаи назаридан Пеп жуда юқори даражада. У ўйиннинг майда тафсилотларигача билишни хоҳлайдиган мураббий. Тактик жиҳатдан ундан кўра яхшироқ мураббийни кўрмадим.

Уларнинг услублари турлича бўлсада, лекин иккаласи ҳам жуда муваффақитли мураббийлар”, - дейди Гюндоган.