Клопп "Ливерпуль"дан кетадими? Унинг ўзи бу саволга жавоб берди

Германиялик мутахассис Юрген Клопп "Ливерпуль"даги келажаги ҳақида гапирди.

“Бошқа клубни бошқариб, кўпроқ пул сарфлашим мумкинми? Балки, лекин менинг жамоам "Ливерпуль". Кимдир мени кетишимни ва янги иш қидиришимни хоҳлаяптими? Ростини айтсам, мендан нима кутишаётганини тушунмаяпман.

Биз ёзги трансфер бозорида яхши харидларни амалга ошириш ниятидамиз, бу бизнинг вазифамиз”, - дея мураббийнинг сўзларидан иқтибос келтирди инсайдер Фабрицио Романо.

Эслатиб ўтамиз, Клопп 2015 йилнинг октябридан буён “Ливерпуль” бош мураббийи ҳисобланади. 55 ёшли мутахассиснинг мерсисайдликлар билан амалдаги меҳнат шартномаси 2026 йилнинг июнь ойи охирида якунига етади.