Клопп “Ливерпуль”га зўр футболчи танлади

“Ливерпуль” бош мураббий Юрген Клопп таркибни кучайтириш масалаларини ҳам эътибордан четда қолдираётгани йўқ.

Германиялик мутахассис ўз шогирдлари қаторила Италия терма жамоаси марказий ярим ҳимоячиси Николо Бареллани кўрмоқчи.

Ливерпулликлар “Интер”нинг 26 ёшли ўйинчисини келаси ёзда олинадиган асосий трансфер нишони сифатида танлаган.

Николо миланликлар таркибида 2020 йилнинг сентябридан бери тўп тепяпти. Унинг шартномаси 2026 йилнинг ёзигача давом этади.

Бареллани олмоқчи бўлаётган клублар 75 миллион евро атрофида маблағ сарфлашига тўғри келади.