Клопп олдида яна бир бош оғриғи юзага келди

"Ливерпуль"нинг асосий ҳимоячиларидан бири Эндрю Робертсон АПЛ 18-туридан ўрин олган "Лестер"га қарши баҳсда жароҳат олди.

Шотландиялик футболчи 62-дақиқада захирага олинди, унинг ўрнига Константинос Цимикас ўйинга қўшилди. Эътиборлиси, у майдонни шифокорлар кўмаги билан тарк этишга мажбур бўлди.

Ҳозирча, жароҳатнинг қай даражада жиддий экани маълум эмас. 28 ёшли фулбек эски жароҳатини тиклаб, яқиндагина сафга қайтганди.

Робертосн жорий мавсум АПЛда 14 учрашувда майдонга тушиб, ўз ҳисобига 5 голли узатма ёздириб қўйишга муваффақ бўлган.