Клопп “Реал”ни эмас, терма жамоани бошқарадиган бўляпти

Таниқли мураббий Юрген Клопп 2026 йилги жаҳон чемпионатидан кейин Германия миллий терма жамоаси бош мураббийига айланиши мумкин.

Ҳозирда терма жамоани Юлиан Нагельсманн бошқараётган бўлса-да, жамоа жаҳон чемпионатида кутилган натижани кўрсатмаса, унинг келажаги хавф остида қолади.

Bild нашри маълум қилишича, Германия терма жамоаси 2014 йили жаҳон чемпиони бўлган, аммо 2018 ва 2022 йилларда гуруҳ босқичидан чиқа олмаган. Шу сабабли келаётган жаҳон чемпионатидан катта умидлар қилинмоқда.

Аввалроқ Red Bull компанияси Юрген Клоппнинг глобал футбол бўлими раҳбари сифатидаги иш натижаларидан норози экани ҳақида ҳам хабарлар чиққан эди.

Клопп бу лавозимни 2025 йилдан бери эгаллаб келмоқда.

Шу билан бирга, Red Bull уни келаси ёзда мураббийлик фаолиятига қайтишига тўсқинлик қилмаслиги айтилмоқда.

Сўнгги ҳафталарда Клоппнинг номи Мадриднинг “Реал” клуби билан ҳам боғланаётган эди.