Kloppga “Real”dagi vunderkind kerak

Yurgen Klopp “Liverpul” rahbariyatidan “Real” yarim himoyachisi Eduardo Kamavingani transfer qilishni so‘ramoqda. Bu haqda El Nacional nashri xabar tarqatdi.

19 yoshli Kamavinga “Renn” klubi tarbiyalanuvchisi hisoblanadi. “Qirollik klubi” ancha urinishlardan so‘ng, iste’dodli yarim himoyachini o‘tgan yili avgustda o‘z safiga qo‘shib olgandi. Eduardo Kamavinga Frantsiya terma jamoasida Pol Pogbaning asosiy o‘rinbosari sifatida tan olingan.

40 million evroga olingan Kamavinga “Real”da kutilgan darajada ko‘p o‘yin amaliyotiga ega bo‘lmayapti. Yosh futbolchi “Real” safiga o‘tganidan beri Ispaniya chempionatida 14 marta maydonga tushib, jami 508 daqiqa to‘p tepdi va debyut uchrashuvidayoq “Selta” darvozasiga gol urdi.

“Liverpul” vunderkindni qo‘lga kiritish uchun 40 million evrodan ko‘p sarflashiga to‘g‘ri keladi. Kamavinganing amaldagi shartnomasi 2027 yilning yarmigacha amalda.