Клоппнинг Муҳаммад Салоҳ бўйича режаси ошкор бўлди

“Ливерпуль” бош мураббийи Юрген Клопп Муҳаммад Салоҳнинг Саудия Арабистонига кетишига тўсқинлик қилиб бўлмаслигини тан олди. Бироқ, германиялик мутахассис мисрлик тўпурар жамоада яна бир мавсум ўйнаб беришини истаяпти.

Маълумки, “Ал-Иттиҳод” Муҳаммад Салоҳнинг бадал пулига 200 миллион фунт тиккан. “Ливерпуль” бу даражада катта маблағдан юз ўгира олмайди.

Бундан ташқари, футболчининг ўзига ҳам жуда катта маош таклиф қилиняпти. Муҳаммад Салоҳни ушлаб қолишнинг деярли имкони йўқлиги айтилмоқда.

Шунга қарамай, Юрген Клопп клуб раҳбариятини саудияликларнинг таклифини қабул қилмасликка, Муҳаммад Салоҳни эса, яна бир мавсум “Ливерпуль”да қолишга кўндиришга уриниб кўрмоқчи.